- 748 -

1449. Okt. 18.

Vnsere fruntliche dinste zuuor. Ersamen, weizen, liebin hern vnd gonner. Als ewer erbarkeit vns geschrebin hot von der zalczmarkte zu Moyes vnd Gebirszdorff wegen vnd begert, das an die von der Stregen zubrengen etc., mag ewer erbarkeit wol wissen, das man vff den nehsten montag zur Sweidnicz sal seyn, wellen wir gerne das do selbisten den vnsern, die wir denne dohen zu dem tage senden werden, an die von der Stregen lossen brengen vnd vns mit fleisse umheri dem vorczukomen, vnd als denne der bund doselbisten, als wir hoffen, sulle bestetigit werden, czweifiln wir nicht, wie das ewir erbarkeit die ewirn werdet do habin, so wollin wir den vnsern befelen, das sie mit den ewirn eyn sulches an die von der Stregen brengen vnd aldo eygentlichen eyn sulches handeln, wie man eyns sulches mochte weren, vnd weg wir denne mit den ewern vnd auch en doczu thuen helffen vnd raten sollen, wollen wir gerne thuen. Gebin am sonnabunde noch Burghardi anno etc. XLIX.
Burgermeister, ratmann der stat Jawor.

Mit Rückaufschrift an den liegnitzer Rath.

Orig. Kgl. Bibl. z. Berl. Ms. Boruss. f. 568. No. 124.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866